|
|||||||
| ~•₪•كان يا مكان | Once Upon A Time ╝ قصص و روايات من نسج أقلام وأفكار وخيال أعضائنا ( يمنع المنقول ) |
 |
|
|
أدوات الموضوع | انواع عرض الموضوع |
|
#1
06-21-2021
|
||||||||||||||||||||||||||
|
||||||||||||||||||||||||||
ملاذ/بقلمي
ملاذ/بقلمي السلام عليكم ورحمة الله وبركاته لا تخلو روايتي تلهيكم عن الصلاة والعبادة أعتذر على الأخطاء الإملائية ما احلل النقل دون ذكر اسمي ملاذ ♪♪ { البارت الخامس } كان جالس على رمال البحر قبال ماجد وهو يفرك ايدينه من التوتر ومو عارف كيف يفاتحه بالموضوع ماجد ببتسامة كان حاط يده تحت خده وينتظره يتكلم / صار لك ساعة على هذي الحالة بتتكلم والا اتكلم انا؟ فارس تعدل بجلسته وأخذ نفس عميق وزفره / احم .. ماجد أنا ابي احم ... جيت ابي القرب منكم " اخذ نفس وهو عيونه مثبته على ماجد " ابي اخطب بنت عمك على سنة الله ورسوله ماجد طير عيونه وهو يحاول يستوعب كلام فارس / بنت عمي؟ ليه وين شايفها؟ < ابو الزهايمر فارس وهو منحرج / من كم شهر بالمول ما تذكر؟ بصراحة اعجبت بشخصيتها وقلت اكلمك بالأول قبل اكلم احد ماجد ابتسم / وهذي الساعة المباركة وين نلقى لبنتها واحد احسن منك أنت رجال والنعم فيك ولنا الشرف نناسبك يالغالي.. لكن تعرف أنا مالي دخل والموضوع يرجع للبنت وابوها فارس ارتاح شوي رد ماجد سهل عليه/ وأنا ابي رقم عمك عشان اكلمه اقصد ابوي يكلمه " وابتسم " ماجد ابتسم وقام ضمه / والله وبتصير قريبي يا صديقي فارس ابعده وهو مبتسم / بعده ما صار شي .. واياني وياك تقول لأحد اذبحك ماجد غمز له / تغار ولا تستحي فارس ضحك / هههههههه لا ذا ولا ذاك بس لسه بدري إذا تم كل شي وقتها انشر الخبر ..... قطع عليه ندى وهي تهز كتوفه بقوه / فرووووس فارس نقز وبعدها ابتسم وضحك / هههه عيون فروس ندى تنهدت وجلست عالكرسي بتعب / اوه تعبت وأنا اصارخ وين سرحت فارس ضحك / ههههه معك بس اشوف ردة فعلك إذا طنشتك ندى ابتسمت بهدوء وهي تقول / ما تعرف ترقع فارس اخذ كاسة العصير وهو مبتسم ويقول / تذكرت موقف حصل معي ندى وهي تاخذ الشوكة من الطاولة وتحطها بالباستا وصارت تلفها / وين شفتها عشان تخطبها ؟ فارس سكت يدوّر على ترقيعة وما لقى غير... / رحت مرة بيت ماجد ودخلت علي بالغلط وشفتها ومن يومها افكر اكلم ماجد وما كانت عندي الجرأه وبعدين تشجعت وفتحت الموضوع معه وصار الي صار ندى ابتسمت / اسمع من الحين اقولك تصميم الكوشة بيكون على ذوقي فارس ضحك / هههههه خل اول شي تجي الموافقة وبعدين خططي على كيفك ندى عقدت حواجبها/ وليه ما يوافقون؟ انت مافي منك وكل بنت تتمنى واحد مثلك فارس ابتسم ونزل راسه للأكل / مو كلهم .. وبعدين كل شي قسمة ونصيب يمكن البنت تستخير وما ترتاح ندى ابتسمت / حلو انك مقنع نفسك بالنصيب .. الا ما قلت لي وش اسم سعيدة الحظ فارس تفشل ولا عرف يرد ندى مررت يدها قدام عيونه / هلووو وين رحت؟ فارس ابتسم وقال / هنو ... اسمها هنو اكثر من كذا مقدر أقول اغار على حرمتي " وغمز لها " ندى ضحكت / ههههه ياهو ترى أنا اختك مو اخوك عشان تغار .. طيب وش اسم اخوها؟ فارس ابتسم / وانتي شدخلك في اخوها ندى غمزت له / يمكن يعجبني اسمه واروح اخطبه " وضحكت " ههههههههه فارس ابتسم / صدق من قال ماتو الي يستحو .. اسم اخوها ريان وابوها فارس فديته السميّ ههههههه ندى كانت تاخذ رشفه من العصير وكله طلع من فمها وبدت تكح وفارس قام يطبطب على ظهرها / بسم الله عليك شفيك ندى / كح كح وش قلت وش الإسم؟؟ فارس عقد حواجبه بإستغراب / ريان والعم فارس ندى وهي ترمش بتفاجئ / طيب واسم العائلة؟؟ فارس بقلة حيل / ندو شفيك؟ انتي ما تعرفين عائلة ماجد؟ اسم عائلتهم " .... " ندى شهقت / احلف بالله ؟ فارس ضحك / ههههه شفيك استخفيتي ندى كانت فاتحة فمها وماهي مصدقة / ترى اختها معي بنفس الجامعة فارس ببتسامة واسعة / كذابة .. وش اسمها؟ ندى ابتسمت وبانت اسنانها / وش تبي فيها ؟ خلك في حرمتك فارس / وأنا اسألك عنـ.." وسكت " ندى بشك / انت ما تعرف اسمها؟ فارس حط كوعه عالطاولة وابعد وجهه عن ندى وحط يده حاجز بينه وبين ندى ندى قامت ببتسامة / الحمدلله .. اذا تبي تعرف اسم حرمتك لازم تعطيني جائزه فارس التفت لها و قال ببراءة / أنا اخوكِ العزيز علميني ندى رفعت رأسها بغرور وقالت بدلع / اسفه الحين مشغوله مرني وقت ثاني " وراحت وهي تضحك بدلع " ههههههههه فارس حط راسه على الطاولة بيأس .. طفش وهو يلمح لماجد عشان يقوله اسمها لكنه دائم يضحك ويقول " هنو " قام من الطاولة وهو مبتسم ورايح ركض ورا ندى / ندوش يا بعد قلبي انتي تعالي آمريني وأنا ألبي كل طلباتك يالنذله < نهاية المصلحة مسبة ههههه في بيت ابو ماجد كان الكل بالصالة الي جالس والي مسدوح وهم طفشانين غير مزيد كان نايم بغرفته وابوهم كان بالشغل شوق ونص جسمها عالكنب والنص الثاني بالأرض / افففف وربي بيتكم ممل اميره وهي الثانية جالسة طفشانة ردت بقهر / لا عاد انتي الي عايشة ببيت ملوك مليان رقاصات وكل ما طفشتي رقصو لك شوق ضحكت / ههههههه اييه ما دريتي ؟ اصلا أنا هاربة منهم وجاية اسلم عليكم بس ما تستاهلون" وكشت عليهم " ماجد وهو مسدوح وحاط راسه على فخذ مروان/ قومو شغلو التلفزيون شوق / وربي ما أقوم أنا عطشانة جيبو لي مويا ساره وهي ماسكة جوالها وتتكلم بالواتس آب / اخدمي نفسك بنفسك مالي دخل شوق لوت بوزها / أنا ما قلت لك ..مروان حبيـ... قاطعها مروان / ماني حبيبك قومي بنفسك شوق وهي تمثل القهر / انقلع مابي شي " وبرطمت " مروان بنص ابتسامة / احسن خرج مزيد من غرفته وهو ماسك بطنه ويقول / أنا جوعان جيبو لي اكل شوق / دوده ببطنك أنا ابغى مويا مزيد رفسها من كتفها عالخفيف / أقول قومي جيبي الغدا وانتي ساكته شوق مسكت كتفها وهي تقول بصوت باكي< تمثل / يمااااااه شوفييه ام ماجد / تستاهلين مين قالك تحطين لسانك بلسانه " وبعدها اعطت مزيد نظره ناريه " قال مزيد بهدوء وهو يجلس عالكنب قرب اخوانه / عاد أنا الي ذابحها من الضرب بس لمستها وهي الدلوعة بدت تصيح شوق بسخرية / ههههاي قال لمستها قال .. تعال أنا اجرب عليك ونشوف مزيد ببتسامة ساخرة / قومي جربي " شوق نطت ببتسامة وراحت بسرعة متوجهة لمزيد وكمل كلامه ببرود " يدك احطها برجولك ان لمستيني شوق وقفت وبرطمت / انقلع " وجلست عند رجوله " ماجد رفسها بظهرها / قومي شغلي التلفزيون شوق التفتت على امها وهي تأشر على اخوانها / شوفي بعدين لو أنا ضربتهم ما تقولين هما اخوانك الكبار وعيب ام ماجد / وانتي ما تستحين تضربين اخوانك؟ شوق تكتفت وهي ترمش بسرعة / اييه وهما يضربوني عادي ما شاء الله ماجد / أقول بلا هياط لو انك شغلتيه كان الحين نتابع فيلم وقرب يخلص شوق انسدحت عالأرض / أنا ميته ماجد وهو يمسح وجهه بيده/ قومي شغليه وارجعي موتي مزيد يكلم امه / يمه أنا جوعان ام ماجد / يا بنات قومو اخوكم من اول يقول انه جوعان جيبو له الغداء شوق قلبت وجهها وهي تقول / أنا ما اسمع ام ماجد قامت وهي تقول بعصبية خفيفة / انتي موتي ولا تسمعي وأنا بقوم اخدم عيالي شوق جلست وهي تقول / يمه طيب وبناتك هذولا وينهم؟ يعني بس أنا الي اسوي كل شي " وقامت معصبة للمطبخ " ام ماجد تنهدت وجلست / استغفر الله العظيم .. وانتو بعد قومو ساعدو اختكم ولا تبون عزيمة اميره تكلم قمر المسدوحة / وانتي اربع وعشرين ساعة عالجوال قومي ساعدي اختك قمر فتحت عيونها بـ إستنكار/ شوفو مين الي يتكلم بس مروان رفع حاجبه / ترى قموره اكثر وحدة تخدمنا بالبيت كله " وناظر امه وابتسم " امي برا الموضوع قمر ابتسمت / هذي الناس السنعة مو مثل بعض الناس" واعطت ماجد نظره وقلبت عيونها بغرور " ماجد ببتسامة / ذكريني بشئ واحد سويتيه عشاني؟ قمر حطت يدها على رأسها / افففففف شوفو الجاحد .. كل يوم اكرف لكم زي الكلاب والحين وش سويت؟؟ والله انكم ما تستاهلون مزيد حط يده على صدره وهو يقول ببتسامة / شوفي أنا ما قلت شي " ورفع عيونه للبقية " بصراحة قمر اكثر وحدة تخدمنا وبعدها شوقي وانتم البقية ما منكم فائدة بدرية وهي تاكل شوكولا / أنا بزره شدخلني مزيد ابتسم / انتي اتركي الاكل وبعدها تكلمي ..ما شاء الله عليك اكلك كويس بس ليه ما تمتنين؟ بدرية بدلع / لأني خقة ومافي مني مروان بسخرية / قصدك غثة ومافي منك " وضحك " ههههههههه بدرية شوي وتبكي / يمه شوفيهم " وحطت الشوكولا عالطاولة " كلوه مابيه " وراحت غرفتها وهي تجاري دموعها " مروان تفاجئ / وهذي الثانية شفيها ؟ ماجد قام من فخذه وهو يقول / ما تعرفها حساسة وام دميعة .. قم راضيها مروان تربع عالكنب / تشرب بحر ماجد وهو يدفه / أقول قم وانت ساكت ترى تشتكي عند الوزاره الماليه وبعدها انت الي بتشرب موية سيول مروان وقف / وربي حنا العيال مظلومين بهالبيت شوق وهي رافعة حاجبها اليسار ويدها على خصرها / نعععم؟؟؟ وربي مو مظلوم الا أنا وقمر شغالات البيت وانتم ما شاء الله عايشين مثل الأمراء أي شي تبونه يوصلكم لا وفوقه ناخذ تهديد من الوزاره الداخليه " وناظرت امها وهي لاويه بوزها " مزيد رماها بعلبة المنديل / وين الأكل ؟ شوق بعدت وجت العلبة بالجدار ردت وهي تضحك / هههههه بالشارع .. بالمطبخ يعني وين مزيد وهو يتثاوب / جيبيه هنا شوق رفعت حاجبها/ أقول قم وبلا هياط مزيد قام / لا وصارنا نقول بلا هياط ها .. شوق ابتسمت وتكتفت / ليه وش ناقصني مزيد ناظرها من فوق لتحت / الصراحة .. ناقصك كل شي شوق شهقت / انقلع اصلا اصلا اااا اننننننن مزيد طنشها وراح متوجه للمطبخ ومروان راح يراضي بدرية وماجد رجعت انسدح عالكنب وفي يده الريموت وبدا يقلب بالقنوات وشوق جلست قربه ...... في بيت ناصر كانت جالسة بغرفتها وافكارها بعيدة .. تحس نفسها ضايعة ومو عارفة وش تسوي .. ودها تخبر امها بكل شي وترتاح لكن خوفها على امها يمنعها .. تنهدت ومع تنهيدتها دخل ناصر غرفتها ناصر ببتسامة وبصوت حاني / نواره وش رايك نطلع نتمشى؟ نور حاولت تبتسم لكن من زود ضيقتها دمعت عيونها ولا قدرت تتكلم ناصر تنهد وجلس جنبها / كلمت الشيخ وقال اننا لازم ناخذها المكان الي التمسو فيها يمكن يتركونها في حالها .. نور حطت رأسها على كتفه/ تتوقع ببيت عمي بو ماجد ولا بمكان ثاني؟ ناصر تنهد وحط يده على كتفها وضمها / مادري .. اول شي نجرب هناك واذا ما نفع نشوف مكان ثاني نور ودموعها تسيل على خدها / ناصر .. تتوقع انها بترجع طبيعية ؟ ورح تسامحنا؟ ثلاث شهور وهي فجأة تغيب وترد بدون ما نعرف وينها او وش تسوي ناصر مسح دموعها وابتسم / أكيد .. ريوم اختنا ومستحيل تشيل في خاطرها علينا وحنا سوينا كل شي نقدر عليه نور تنهدت و غمضت عيونها وهي تسترجع ذكرياتها..... ناصر تنهد وراح اخذها في حضنه وقال وعيونه على شوق /وش صاير؟ وينها ريوم؟ شوق تحس لسانها انشل ومو راضي يتحرك .. أخذت نفس وزفرته / كانو هي واختي جالسين بالحديقة مع بعض واختي دخلت تسوي بوب كورن وقالت انهم كانو يتابعون رعب وبنفس اللحظة سمعنا صوت صراخ جاي من الحديقة ويوم خرجنا ما كانت موجودة دورنا بكل البيت بس ما لقيناها وبعدها اتصلنا عليك " خلصت كلامها وجلست على اقرب كنبه وهي تحس رجولها مو قادرة تشيلها " ناصر أبعد نور عنه ووقف / انتي خليكي هنا وأنا بروح ادور عليها وفي حال رجعت علموني خرج ناصر مسرع وما سمع منهم شي ومع خروجه زادت شهقات نور وبكائها شوق قامت من الكنب وجلست عندها وهي تقول بصوت خفيف / نور خلاص اهدي ناصر راح يدورها وانتي الحين ادعيلها وان شاء الله ناصر بيلقاها او مثل ما قال يمكن ترجع نور من بين شهقاتها / ما رح تفهميني يا شوق هي كانت معي ومسوؤليتي ويصير فيها كذا؟ لو ماما موجودة معنا ما صار شي كله بسببي أنا شوق ما عرفت وش تقولها وجلست تطبطب على ظهرها ونور تبكي وتبكي تحس الدنيا تسكرت بوجهها اختها الصغيرة اختفت وين راحت؟ ووش حصل معها؟ ما تدري عنها شي ومن جهة ثانية ناصر كان يدور بسيارته في كل مكان وعيونه تبحث عن ريما لكن لا جدوى مالها اثر كأن الأرض انشقت وبلعتها .. وبعد مرور ساعتين متواصلة اتصل ناصر على نور ناصر / بشري رجعت؟؟ نور وهي تهز رأسها ودموعها على خدها / لأ .. ناصر وين راحت؟ " ورجعت تبكي " أنا اسفه لأني ما انتبهت لها حصل معها هالشي ناصر غمض عيونه / نور اهدي إن شاء الله مافيها الا كل خير .. اتصلتي بـ امي؟ نور بسرعة / لا مستحيل وش بقولها لو سألتني عن ريوم ناصر وهو يفكر / اسمعي .. اتصلي عليها من جوال أي شخص هناك وخليكي معي عالخط واذا سألت أنا برد عنك نور ناظرت شوق وهي تقول / طيب ... شوق ممكن اخذ جوالك؟ شوق هزت رأسها وعطتها اياه ونور اتصلت على امها وفتحت السبيكر / هلا يمه شخبارك؟ ام ناصر والتعب واضح بصوتها / الحمدلله يبنتي .. وينك ماجيتي؟؟ وشفيها ريوم؟ نور سكتت ودموعها رجعت تسيطر على وجهها وعلى طول فتحت سبيكر جوالها وتكلم ناصر / حنا بالطريق يمه و ريوم الحمدلله مافيها شي .. ليه تسألين؟ ام ناصر تنهدت وعيونها على غرفة ريما / من شفتها وهي نايمة بالغرفة احس فيها شي وخصوصاً ان نور ما رجعت معها نور فتحت عيونها على وسعهم وحولت نظرها لشوق وهي ما كانت اقل صدمة منها ناصر رد بسرعة / ايه هي تعبت شوي وجيت وصلتها ونور قالت بتجلس شوي والحين حنا بطريقنا للبيت تامرينا على شي؟ ام ناصر بحنان / سلامتكم يا بعد قلبي وانتبه لا تسوق بسرعة وخليك على مهلك ناصر / ابشري يالغالية .. في امان الله ام ناصر / في حفظ الرحمن نور سكرت من امها وعلى طول تكلمت / كيف رجعت البيت؟؟ ناصر وهو يحرك السيارة / مدري إذا رحنا البيت عرفنا.. البسي عبايتك أنا جاي" وسكر الخط " نور قامت بسرعة وشوق معها وخرجو من المجلس الي جالسين فيه من ساعتين البنات كلهم كانو جالسين بالصالة منتظرين شوق ونور واول ما شافوهم قالت اميره بخوف / وش حصل؟؟ ساعتين وانتم بالغرفة ؟ نور وشوق ناظروا بعض ورجعو يناظرونهم وضحكو / ههههههههههههههه بدرية خافت ودمعت عيونها / بسم الله دخل فيهم جني " ودخلت وجهها بحضن قمر الي كانت جالسة عندها " نور وشوق مع بعض/ بسم الله علينا " ورجعو يضحكون " هههههههههههه اميره عصبت / شفيكم ؟؟ شصار؟ تكلمو تكلمت شوق / ناصر خرج يدور عليها " سكتت وهي تحول انظارها للكل وبعدها قالت " من ساعتين كلهم فتحو عيونهم من الصدمة / ساعتين ولا علمتونا؟ قمر / أنا قلبي طايح ببطني وأقول شكله يجلدهم من ساعتين واكثر مالهم حس نور وهي تحك رأسها / برأيك ليه كنا نضحك؟ اميره جلست وهي حاطة يدها على رأسها / المهم لقاها ولا بعده؟ نور تنهدت ونزلت رأسها / اتصلنا على امي وتقول انها نايمة بالبيت كلهم انصدمو وقالو بصوت واحد / اييييش ؟؟؟؟؟؟؟؟؟؟؟؟؟؟؟؟؟؟ تكلمت شوق / ما تسمعون ؟ المهم ناصر بالطريق جاي ياخذها لا وصلت البيت عرفنا كل شي نطت قمر / لا وين ما تطلعين بدون ما تتعشين نور ابتسمت / مرة ثانية إن شاء الله اليوم مقدر وربي اعذروني قربت اميره وهي تضم نور وتقول / انتبهي لنفسك حبيبتي واذا احتجتي شي لا تنسين حنا خواتك نور ابتسمت / أكيد " وقالت بتردد " ممكن ما تقولون لأحد الي حصل؟ كلهم راحت عيونهم عند بدرية بدرية وهي ضامة المخدة بخوف / وربي ما اعلم احد وعد شوق ببتسامة / دام بداير ما بتعلم أحد سركم ببير رن جوال نور وقالت بسرعة / يلا يلا ناصر وصل ان ما خرجت يفجر الدنيا براسي كانت متوجهة للباب وسحبتها شوق / سلمات تروحين بدون عباية؟ نور ناظرت نفسها وابتسمت بـ إنحراج / نسيت... ساره جابت لها العباية ولبستها عالسريع وسلمت على كلهم وخرجت......... في بيت ناصر خرجت ريما من غرفتها وشافت امها جالسة بالصالة تتابع مسلسل بالتلفزيون وتتقهوى ريما ببتسامة حبت راس امها / مساء الخير ماما ام ناصر ابتسمت لها بحنان / مساء النور .. كيف صرتي الحين؟؟ ريما عقدت حواجبها / اممم الحمدلله بخير مافيني شي " وقالت بتساؤل وهي تصب القهوة لأمها " يمه وينها نوير؟ الموضوع الأصلى من هنا: منتديات غلا روحي | منتديات | منتدى غلا روحي https://g-roo7y.net/vb/showthread.php?t=28097 ام ناصر أخذت القهوة / عند شوق بعدها ما رجعت ومع انتهاء جملتها دخلو نور وناصر / السلام عليكم ريما&ام ناصر / وعليكم السلام نور وناصر حبو راس امهم وناصر جلس قرب امه ونور فسخت عبايتها وخلتها بحضنها وجلست قرب ريما وعيونها تتفصحها ام ناصر تكلم نور / كيفهم البنات ؟ نور ابعدت عيونها عن ريما و ابتسمت لأمها / بخير الحمدلله يسلمون عليكِ ام ناصر ببتسامة / الله يسلمهم ويسعدهم .. تعشيتو ولا؟ نور ومالها نفس للأكل قالت تكذب / ايه الحمدلله انا تعشيت ناصر وهو الثاني نفس حالها / وأنا بعد واحد من الشباب كان عازمني ريما حطت يدها على خدها / طيب وأنا جوعانة ام ناصر ابتسمت/ بعد قلبي هالحين بقوم اسويلك أحلى عشاء نور حطت عبايتها عالكنب وقامت / لا يمه انتي ارتاحي وأنا بسويه قام معها ناصر / وأنا بساعدك " وسحب ريما " وانتي يالكسوله قومي ساعدينا ريما قامت وهي لاوية بوزها / لسه صحيت مالي مزاج للمطبخ واشغالها ناصر وهو يجرها من يدها / لا تسوين شي شوفينا وتعلمي ام ناصر ابتسمت وتنهدت براحة وهي تشوف قرب عيالها من بعض وتتمنى يبقون طول حياتهم على هذي الحالة ولا يفرقهم شي في المطبخ جلس ناصر على كرسي ونور على كرسي وريما بالكرسي الي وسطهم ريما بلعت ريقها / شفيكم؟ ناصر بجدية / وين رحتي؟ وكيف رجعتي البيت؟ ريما عقدت حواجبها / متى؟ نور حط يدها على يد ريما/ ريوم قولي الحقيقة وحنا معك لا تخافي ريما دمعت عيونها / وش أقول؟؟ مادري عن وش تتكلمون ناصر تنهد وقال بهدوء / قولي لنا وش حصل من اول ما خرجنا من البيت لحد ما رجعتي ريما وهي تراقبهم بعيونها تكلمت بصوت يرجف / خرجنا من البيت رايحين بيت شوق ووقفنا في الطريق عند محل حلويات واخذنا صحن بقلاوة وشوكولا وكنا طول الطريق أنا ونوير نتهاوش ونصارخ وانت تبتسم وتضحك واخر شي عصبت وقلت ان ما سكتو بنزلكم تكملون مشي وسكتنا " أخذت نفس وكملت " وبعدين يوم وصلنا عندهم أنا ونور نزلنا وانت مدري وين رحت .. وبعدين " سكتت ثواني تتذكر الي حصل " كنا جالسين بالصالة وأنا أخذت لفة سريعة بالبيت مع بدّوره وجلسنا شوي بغرفتها وطلعنا بعد ربع ساعة وبعدين جلست مع البنات كلهم وكنا نسولف وأنا كل شوي افتح الجوال واقرأ..." وسكتت " ناصر بنفس الهدوء / تقرأين وشو؟ ريما بلعت ريقها / امممم بقولكم بس لا تعلمون ماما ... كنت أقرأ رواية مرعبه ناصر رفع حاجبه وقال / كملي ريما / جلسنا يمكن نص ساعة كمان بالصالة وخرجنا الحديقة أنا ونوير وشوق وبدرية وهناك جلسنا ساعة ونص اتوقع وبعدين نور و شوق دخلو وأنا وبداير جلسنا نتابع فيلم رعب " كملت وهي متقرفة " وععع مرة ما تخوف مدري ليه كاتبين بالوصف رعب وهي كلها قرف وحشرات نور ونفذ صبرها / طيب وبعدين؟؟؟ لا توقفين أمسكي خط ريما ابتسمت / لو مسكت خط مارح تفهمون كلامي " ناصر ونور عطوها نظرات نارية " طيب خلاص كليتوني ... اممممم بعدما خلصنا الفيلم رجعت أقرأ الرواية الي كنت اقرئها وحكيت قصتها لبدّوره وقالت انها تبي تكملها معي وراحت تسوي لنا بوب كورن وأنا جلست انتظرها ... وبعدين " عقدت حواجبها ونزلت راسها " وبعدين.. ماذكر " رفعت رأسها وقالت بتساؤل " وبعدين وش حصل؟ ناصر تنهد وحاول يبتسم / وبعدين أنتي تعبتي واتصلتي علي وجيت اخذتك .. نسيتي؟ ريما وهي تحاول تتذكر / مدري بس اذكر إن بدرية رجعت والنافوره انفتحت و.. كنت اسمع أصوات غريبـ..." مسكت رأسها " آههه ناصر ونور الاثنين ناظرو بعض بتفاجئ وقال ناصر بسرعة / يبدو انك تتوهمين .. بدرية يوم دخلت أنا جيت بوقتها ورجعنا البيت لأن راسك كان يوجعك ريما وهي مازالت ماسكة رأسها / ايه صح تذكرت انت اخذتني نور دب الخوف بقلبها وحست جسمها كله يرجف ريما تركت رأسها وابتسمت / تراني جوعانة يلا نوير ما ودك تطبخي؟ ناصر وقف وهو يقول لريما ببتسامة / وش رايك نلعب بلاستيشن لما نور تخلص؟ قامت ريما بفرح والإبتسامة شاقة وجهها / اييه يلاااااا مسكت ذراع ناصر وكانو خارجين من المطبخ وقال ناصر وهو يفلت ايدين ريما عن ذراعه / انتي جهزي الشريط وأنا بشرب مويا والحقك ريما ببتسامة وحماس / طيييييب انتظرك خرجت ريما ورجع ناصر وجلس عند نور وقال بصوت يكسر الخاطر / طلع احساسي بمحله .. نور " تنهد ورفع راسه لها " ريوم يوم خرجت ما كانت هي " نزل راسه وكمل " التمسو فيها وهم الي كانو يتحكمون بتصرفاتها هي ما تتذكر شي نور غطت وجهها وبكت / كله بسببي ياليتني ما اصريت اني اروح ناصر ضمها وصار يطبطب على ظهرها ويهديها / نور الي صار كان مكتوب وأنا بكرا إن شاء الله بجيب الشيخ يقرأ عليها وبترجع طبيعية ومافيها شي " بعدها عن حضنه ومسح دموعها وباس جبينها " خلاص يقلبي هدي الحين وامشي العبي معنا وأنا بطلب العشاء من برا نور وقفت وهي تقول / لا أنا بسويه طفشانة ناصر وقف وقال ببتسامة / اي يريحك .. ولا تفكرين كثير اتفقنا؟ نور ابتسمت له مجاملة / اتفقنا خرج وناصر ونور صبت لها كاس مويا وشربته وبدت تجهز العشاء.......... رجعت لواقعها على صوت ناصر وهو يقول / نوير وصمخ وين سارحة؟ نور بهدوء / لا معك قال وهو حاط يده على رقبته / صارلي ساعة اصارخ لما اختفى صوتي الجميل وتقول " وقلدها " لا معك .. نوير قولي شفيك تراني اخوتس نور ضحكت / هههههه رجعنا للقصيمي ناصر ابتسم / تسذا ابيتس الحزن مانخلق لعيونتس نور ببتسامة / ابشر يا طويل العمر انت بس تامر أمر .. الا وش كنت تقول؟ ناصر مسكها من يدها ووقفها / كنت أقول امشي نجلس مع بالصالة مع امي وريوم نور وهي تمشي معاه خارجين من غرفتها / ناصر تتوقع هذي المرة بتكون موجودة؟ اقصد المرات الي فاتت كل ما نجيب الشيخ تختفي ولا نعرف عنها شي وبالقوة نقنع ماما انها ببيت صديقتها .. لسه ماما أمس راجعنا من بيت خالتي واذا ريوم رجعت اختفت اليوم بعد لا سمح الله وش بنقولها؟ ناصر ضرب راسه براسها عالخفيف /كم مرة قلتلك لا تتشائمي .. انا عندي فكرة حلوة وبنفذها قريب إن شاء الله وصلو الصالة وابتسمو وكالعادة سلمو على امهم وحبو رأسها وناصر جلس عندها ونور عند ريوم بالجهة الثانية من الكنب ناصر يكلم امه / يمه وش رايك نطلع نتمشى ونغير جو؟ ام ناصر ابتسمت / إذا خواتك موافقين نمشي ليش لا ريما بحماس / أنا موافقة نور ابتسمت / إذا ماما وريوم موافقين أكيد ما بجلس بالبيت لوحدي ناصر ابتسم / يلا اختارو وين نروح؟ ريما ببتسامة وهي تفكر / اممممم نروح المول وبعدين نتعشى برا ونرجع شرايكم؟ ناصر يكلم امه ببتسامة / شرايك يمه؟ ام ناصر ردت له الإبتسامة / وفي شخص يرد ريوم بنت رشود تدخلت نور وغمزت لناصر / ترى الدلع مو لك ريوم بس لأنها تبي تتغزل بالبعض دلعتك معاه ام ناصر تنهدت / الله يرحمه الكل / امين يارب ناصر ابتسم وقام / يلا تجهزو وانا بعد بجهز عالسريع ونمشي تمام؟ ام ناصر مسكت يده وجلسته / ابيك بموضوع ناصر عقد حواجبه وناظر نور وسألها بحركة عيونه وش السالفة وهي حركت كتوفها بمعنى مدري .. ابتسم لأمه وقال / سمي يمه الموضوع الأصلى من هنا: منتديات غلا روحي | منتديات | منتدى غلا روحي https://g-roo7y.net/vb/showthread.php?t=28097 ام ناصر / سم الله عدوينك " وقالت وهي لسه ماسكة يده " ناصر ولدي شرايك اخطب لك شوق بنت ام ماجد ؟ نور طيرت عيونها متفاجئة من كلام امها وريما حولت نظرها لنور وهي مصدومة ورجعت تناظر امها وناصر وتنتظر الجواب...................... في بيت ابو ماجد شوق بحماس وهي حاطة يدينها على خصرها وواقفة بنص الصالة / شرايكم نلعب؟؟ قمر كانت مسدوحة وفي يدها جوالها / وش بتلعبون؟ قال مزيد بسخريه وهو حاط رجل على رجل وحاط يدينه على حافة الكنب / أكيد شي مثل وجهها شوق بدلع / فديته وجهي أكيد بتلعبون بشي مثله مو مثل وجهك انت "وبعدت عيونه عنه بغرور " جت بدرية مع مروان بعدما راضاها / شعندك واقفة كأنك مداهمة المكان؟ شوق بحماس / نبي نلعب مروان جلس وابتسم بسخريه / الطول طول عماره والعقل عقل حماره شوق وهي تجلس قرب قمر / شسوي عاد طالعة على اخوي " وأشرت عليه " مروان رفع حاجبه / وششش؟؟ قالت شوق غير مبالية / الي سمعته منيب عايدة الكلام " وصارت تقرأ الرواية مع قمر " مزيد بطفش / توك تقولين نلعب نلعب يلا وش تلعبين؟ نطت شوق ببتسامة وتربعت قدامه على الأرض وبدت تشرح / أنا باخذ شي اممم مثلاً " خرجت الجوال من جاكيتها " رح اخبي جوالي بمكان وانتو تدورون عليه والي يلقاه يفوز مزيد بنظرات كلها سخريه / شايفتني بزر العب لعبة بزران ؟ قومي انقلعي لأرفسك شوق كشت عليه / مالت عليك اصلا اللعبة حلوة انت بس جربها وربي ما تندم مزيد جلس مطنشها وما مرت دقيقتين قال / ياخي طفشت قومي نشوف لعبتك الزفت يمكن تسلينا وقفت ببتسامة / محد غيرك .. ييلا أنا وانت نغمض عيونا وهذول " اشرت على قمر ومروان " يخبونه وبعدين نقوم ندوره والي يحصله ويجيبه عندهم يفوز مزيد وهو لاوي بوزه / والله انها بيض بس بلعب لاني طفشان مروان وقمر ابتسمو بوجيه بعض بنذاله وقامو / يلا غمضو عيونكم وياويل الي يشوف و بدرية تراقبكم بدرية جلست عالطاولة المستديره قدامهم ببتسامة / يلا غمضو غمضو عيونهم وشوق مبتسمة وتقول / من الحين أقول إذا فزت تعطيني مصروفك الشهري مزيد وهو الثاني مغمض رد بسخريه / الأخت واثقة وربي فردة حذائي القديم ما عطيتك قالت ايش قالت مصروفك انقلعي بس شوق وهي مازالت مبتسمة / مااابي ماعندي زوج انقلع لحضنه ما حست الا بالمخدة تجي بوجهها بقوة من مزيد.. وبما أنها جالسة قبال مزيد عالكنب الضربة كانت قوية شوق مسكت انفها / آههه يال**** كسرت انفي وشلحت وجهي مزيد ببتسامة / احسن عشان مرة ثانية تعدلين كلامك شوق لوت بوزها / وجع امزح معك .. إذا ما مزحت مع اخوي امزح مع ولد الجيران مثلاً " وغطت وجهها مقدماً وفعلاً جتها مخدة ثانية لكن هذي المرة بظهرها " آههه يماااااه شوفي عيالك يضربوني مروان من وراها وهو رافع حواجبه ومتكتف / اكرمينا بسكوتك انسة شوق ويلا قومو يا كلا*** دورو على جوالاتكم " وضحك بسخريه " هع هع هع هع شوق ومزيد شهقو وفتحو عيونهم وبدو يدورون جوالاتهم شوق / هييي كان خبيتو شي ثاني ليه جوالاتنا قمر جلست ببتسامة وراحة / نخبي الي نبيه مالكم دخل قامو شوق ومزيد وبدو تفتيش بالبيت كله وهم يدورون على جوالاتهم اول مكان راحت له شوق هي غرفتها وبدأت تخرب وتحوس الغرفة وساره تصارخ / هييي يا حيوانه شفيك ابعدي عن اغراضي شوق التفتت لها / تعرفين وين جوالي؟ ساره وهي عاقدة حواجبها بعصبية / وأنا وش يدريني عنه شوق جلست عالسرير وهي مبتسمة / جالسين نلعب أنا ومزيد والي يلقى الجوالات يفوز ساره رافعة حاجبها وببتسامة / الحمدلله على نعمة العقل .. تخيلي لو رموهم بالحديقة وجت القطوة واكلته؟ شوق شهقت وهي تخرج من الغرفة ركض / وربي اجلدهم جوالييييي ومن الجهة الثانية مزيد دخل غرفة ماجد وبدأ تفتيش خرج ماجد من الحمام " الله يكرمكم " وهو ينشف شعره بالمنشفه الصغيره وعيونه مغمضة .. مزيد اول ما شافه كتم شهقته ودخل تحت السرير ماجد وقف قدام المراية ونشف شعره وتوجه للسرير واخذ ملابسه وبدأ يغير ومزيد فاتح عيونه على وسعهم وهو يشوف الشي الي تحت السرير .. مستحيل كيف ماااجد يسويها؟؟ ماجد اول ما خلص لبس رن جواله رد ببتسامة وهو متوجه للبلكونة / هلا والله بهالصوت وصاحبته هلا بالحب .. شخبارك حبيبتي ؟؟ مزيد سمع كلامه وزادت صدمته .. بلع ريقه وهو يحس نفسه بحلم .. مستحيل يكون هالشي حقيقي مستحييييل مزيد حول نظره لجهة البلكونة وشاف رجول ماجد عند الكرسي وعرف انه جلس ووجهه قبال الحديقة خرج بهدوء من تحت السرير ومن الغرفة واصطدم بـ شوق شوق بتساؤل وهي تتنفس بسرعة / لقيتهم؟ مزيد وجهه كان مقلوب الوان ولا رد عليها ومشى خارج من الممر ووقف على صراخ شوق / لقيييت واحد شوفه عند المزهرية مزيد كان واقف عند المزهرية شاف الجوال وابتسم بخبث واخذه وركض فيه وشوق وراه تصارخ / غشاااااش أنا لقيته هااااته مزيد ببتسامة وهو ينزل من الدرج/ احلمي يا ماما أنا فزت عليك شوق زادت سرعتها وصارت تنط درجتين مثل مزيد / وربي غشااش أنا فزت وقفو الإثنين على صوت رجولي هز البيت / سلطااان.......... وجوه اختفت ابتسامتها ووجوه زادت ابتسامتها وبالأخير؟؟؟؟ نقول نوقف هنا ونكمل بالبارت الجاي رأيكم بالبارت؟؟؟ توقعاتكم ناصر بيوافق يتزوج شوق؟ وهل شوق رح تقبل ؟ وهل بتنجح خطة ناصر بخصوص ريما؟ وش الشي الي شافه مزيد تحت السرير بغرفة ماجد؟ ومن يكون سلطان؟ ومن هم الاشخاص الي اختفت الإبتسامة من وجيههم؟ وليه؟ انتهى..... للمزيد من مواضيعي
iSiW`R`qL`~ioiWiSi. 
|
||||||||||||||||||||||||||
اخر 5 مواضيع التي كتبها لحن الوفا
|
|||||
| المواضيع | المنتدى | اخر مشاركة | عدد الردود | عدد المشاهدات | تاريخ اخر مشاركة |
|
ملاذ/ بقلمي
|
~•₪•كان يا مكان | Once Upon A Time | بريق الماس | 4 | 578 | 09-01-2021 04:52 PM |
|
ملاذ/بقلمي
|
~•₪•كان يا مكان | Once Upon A Time | لحن الوفا | 18 | 1011 | 07-20-2021 03:16 PM |
|
ملاذ/بقلمي
|
~•₪•كان يا مكان | Once Upon A Time | لحن الوفا | 17 | 2681 | 06-21-2021 07:55 PM |
|
ملاذ♪♪/بقلمي
|
~•₪•كان يا مكان | Once Upon A Time | لحن الوفا | 25 | 2072 | 05-08-2021 04:32 PM |
|
ملاذ♪♪/بقلمي
|
~•₪•متحف غلا روحي | Our Museum | لحن الوفا | 20 | 827 | 05-08-2021 04:32 PM |
|
06-21-2021
|
#2 | |||||||||||
|
كاتب عظيم
 
شكراً: 0
تم شكره 16 مرة في 15 مشاركة
|
رد: ملاذ/بقلمي
السلام عليكم ورحمة الله وبركاته لا تخلو روايتي تلهيكم عن الصلاة والعبادة أعتذر على الأخطاء الإملائية ما احلل النقل دون ذكر اسمي ملاذ ♪♪ { البارت السادس } ماذا يحدث؟؟ لما هذه المشاعر الجياشة تفيض بي اهو الحنين ام الجنون بي خذني الى احضانك فهي الملاذ لي من كل حزنٍ يلتحق بي ___________________ جده _ الجنوب 5:50 قبل المغرب /تغوص أحزاني بهذا البحر وتزهر همومي بأمواجه تركني كل غالي وحبيب وأنا بحلاه سعيد تشوفني الناس بارد وشديد وأنا بداخلي محروق بنيران فرقاه الغريب تنهد وهو يدخل يده اليمين بجيب بنطلونه وسحب الجوال و رد ببتسامه وهو يبعد عن البحر / هلا بالزين كله هلا بـ شيخة البنات هلا بـ أميرتي الحلوه وصله صوت ضحكتها البريئه وزادت ابتسامته / كيف حالك غناتي؟ ردت بصوتها الطفولي المليئ بالدلع / ماني بخير ليه ما اخذتني معك أنا زعلانه منك لا تكلمني " وبرطمت " ضحك على برائتها وهو يقول / هههههه خلاص يا بابا هذي اخر مرة اخرج بدونك مره ثانيه اخذك معي اتففنا؟ حطت اصبعها عند شفتها وهي تفكر / اممممم اتفقنا بس بشرط تجيب معك دبدوب كبيييير مرررره يشبهك ضحك على اخر كلامها / ههههه بس مافي احد زيي صح ولا انا غلطان؟ ردت ببتسامه وصوتها كله ثقه / أكيد لأنك ابويا " وضحكت " هههههههه توجه لسيارته وهو مازال مبتسم وفتح الباب وجلس / أنا جاي البيت اتجهزي علشان نروح نتعشى في المطعم طيب؟ ابتسمت وهي تقول بحماس / طييييييييب باايي بابا سكر منها وابتسم وهو يوجه نظرة اخيره للبحر وانطلق متوجه لبيته........... في بيت ابو ماجد بعد المغرب كان الكل مجتمع بالصاله على كلام ابوهم شوق كانت جالسه على حافه الكنب من الجهه اليمين ومزيد من الجهه اليسار قمر وساره كانو جالسين مثل البشر على قيلهم ومن الجهة الثانيه بدريه ومروان واميره وماجد ما بعده جاء وبالوسط امهم تنتظر ابو ماجد بعده ما نزل شوق بنفاذ صبر / يوووه يمه وينه زوجك ودي اعرف وش يبي يقول قمر ضربتها عالخفيف براسها / زوجها ابوك ياللي ما تستحين شوق مسحت مكان الضربه وهي عاقده حواجبها ومبرطمه / ومتى قلت انه مو ابوي ؟ وصل ابو ماجد والكل وقف احتراماً له .. حول نظره لجميع المتواجدين وسأل / وينه ماجد؟ مزيد حك راسه ببتسامه / بغرفته وجاي الحين ابو ماجد راح وجلس قرب زوجته وهو يقول / قلتو له وما جاء؟ شوق تدخلت وهي تقول ببتسامه/ لا يبه كان بالحمام ووقفت قدام الباب وناديت عليه يمكن ما سمعني بروح اناديه مرة ثانيه خلصت كلامها وراحت ركض عالدرج وهي تسمع كلام ابوها / لا تتأخرون شوق بصوت عالي عشان يوصل صوتها لأبوها / إن شاء الله يبه دخلت غرفة ماجد بدون ما تطق الباب واول ما شافها اشر لها تسكت وهو يتكلم بالجوال / ايه.. اسمع اتصل عليك بوقت ثاني .. طيب طيب ... يلا مع السلامه " سكر وقال وهو رافع حواجبه " نعم خير شتبين؟ الواحد يطق الباب قبل يدخل شوق بعدت عيونها عنه و ردت بهدوء وصوت مليان غرور / من زينك عاد انت وغرفتك .. ابوي من اول يناديك امشي ترى الكل تحت وانت حضرت جنابك جالس هنا تسولف وتضحك ماجد بنص ابتسامه/ وحضرتك محتره؟ شوق رفعت حاجبها وضحكت بسخريه / ههههه تراك ماخذ بنفسك مقلب شعندك عشان احتر " شدت على اخر كلمه " ماجد وهو يحط جواله عالسرير/ انقلعي شوي واجي شوق تكتفت وقالت بقهر / ترى ابوي من اول ينتظرك ويسأل عنك ماجد بنص ابتسامه/ واو من متى الإهتمام؟ شوق راحت وسحبته من يده اليسار / امشي يشيخ وربي الحين يجي ويجلدني معك ماجد سحب يده وخرج من الغرفه ويده اليمين بالجيب شوق تنهدت وراحت وراه بهدوء ولقته وصل لنص الدرج .. قالت بصوت عالي / يارجال انتظرني وين طاير ماجد وقف والتفت وعطاها نظرة ساخره وكمل طريقه وهي نزلت ركض وجلست قبله ماجد وعيونه على ابوه / سلام عليكم الكل / وعليكم السلام ماجد سلم على ابوه وحب راسه و جلس بوسط مروان واميره شوق وهي ميته من الفضول/ وهذا الكل اجتمع يبه وشهو الموضوع الضروري؟ " وصارت ترمش بسرعه " ابو ماجد تنهد والقى نظرة سريعه على الكل وهو يقول / مافي شي بس حاب اجلس مع عيالي في احد عنده أي اعتراض؟ اميره ببتسامه/ أكيد ماعندنا اعتراض وهذي الساعه المباركه الي نجتمع فيها كلنا بنفس المكان قمر وهي الثانيه ابتسمت وحطت رجل على رجل / ما عاش من اعترض على كلام ابو ماجد بدرية والفرح يقطر من صوتها / واو من زمان ماجلسنا جلسه عائليه ابو ماجد ابتسم براحه والتفت لأم ماجد/ وين القهوه يـ أم ماجد ام ماجد على طول وجهت نظرها لشوق الي ابتسمت وهي تقول / قلتلكم تضيعون بدوني بس ما تصدقون قامت ومعها قمر وجابو القهوه والتمر والشوكولا والحلا < طبعا كل شي كان جاهز من اول ^__^ وجلسو يسولفون ويضحكون والكل نسى همه بـالـأجـواء العائليه الحلوه قبل ساعات في بيت ابو ريان هنادي وهي تكلم امها بملل / يمه متى نروح بيت عمي ؟ مليت من البيت ام ريان وهي تهز رأسها / لسه اول يوم مدرسة والبنت تبي تصيع حطت رأسها على كتف امها وهي شوي وتبكي / شسوي يمه طفشانه من حياتي كلها ام ريان مسحت على شعرها بحنان / يا بعد قلبي خلاص بكلمهم اليوم وأقول اننا بنجيكم بكرا شرايك؟ هنادي حبت كتف امها ببتسامه وعيونها مليانه دموع / تسلمين يا أحلى ام بالدنيا ام ريان ضمتها وهي تقول بخوف / شفيكِ ياروحي يوجعك شي؟ هنادي دفنت رأسها بحضن امها وبكت / مادري يمه أنا تعبانه وطفشانه ابي ارتاح من هالحياة ام ريان دمعت عيونها وهي تطبطب على ظهر بنتها وتحاول تهديها / هذي سنة الحياة يمه مستحيل نعيش بدون حزن التفتو الإثنين على صوت رجولي ساخر / شفيهم البنت وامها؟ اهااا هذا الي تسمونه الوداع ماقبل الخطوبة ههههههههه هنادي مسحت دموعها بقوة ووقفت ببتسامه وهي تقول / لا يبه هذي دموع الفرح " ناظرت امها واخذت عميق وزفرته وكملت ببتسامه " لاني قررت اعنس واجلس ببيتك للأبد رفع حاجبه وهو يجلس قبالهم ببتسامه/ ما شاء الله والعريس الـ.... قاطعته هنادي ببتسامه / مرفوض .. استخرت ولا ارتحت ابو ريان سكت ولا قال شي وهنادي جلست بكل ثقة وحطت رجل على رجل وعيونها بالأرض ما تبي ترفعهم وتبكي ام ريان كانت تراقب بنتها كيف انها تهز رجولها وتزم شفتها وتقاوم دموعها ٫ تنهدت بألم وتعب على حالهم زوجها موجود ولا كأنه موجود٫ يجي البيت وتصير بينهم مشاكل كبيره واحيانا توصل للضرب وكل هذا قدام عيالهم٫ قامت هنادي وهي تقول ببتسامه / عن إذنكم بروح أذاكر ام ريان بحنان / الله يوفقك يابنتي ابو ريان ألتزم الصمت واكتفى بنظره بارده ورجع يتابع التي في هنادي وهي في طريقها لغرفتها صادف ريان حضنته ورجعت تبكي ريان عقد حواجبه وهو يطبطب على ظهرها / هنوده شفيك؟ هنادي بعدت عنه وهي تمسح دموعها/ ولا شي بس تعبانه شوي٫ بروح ارتاح بغرفتي ريان مازال معقد حواجبه راح متوجه للصالة وشاف ابوه _ اهاا لهالسبب انقلب حالها , تنهد وراح سلم على ابوه وحب راسه ونفس الشي مع امه وجلس معهم ربع ساعه وخرج متوجه للكافيه يقابل إبراهيم الموضوع الأصلى من هنا: منتديات غلا روحي | منتديات | منتدى غلا روحي https://g-roo7y.net/vb/showthread.php?t=28097 الوقت الحالي في بيت ابو خالد كان جالس على سريره وهو يلعب بالجوال ويفكر يتصل او يرسل، تنهد ودخل على جهات الإتصال ودخل رقمها وابتسم " صدفه " اخذ نفس عميق وزفره ببتسامه وحط الجوال على أذنه ، رن مره واثنين وثلاثه لكن لايوجد رد عقد حواجبه ورجع يتصل مره ثانيه وهذي المره وصله صوت واضحه فيه العصبيه / ياقليل الحيا انت ما تستحي مليون مره قلت الرقم غلط ترجع تتصل مره ثانية يا حيوان وربي إن رجعت اتصلت مره ثانيه ما يصير لك خير فاهم يا ###### خالد كان كاتم ضحكته وبالنهايه ماقدر يمسك نفسه وضحك بقوه / هههههههههههههههههههههههه رند عصبت زياده / تضحك انت بوجهك يا #### و #### خالد من زود الضحك تكلم وهو ياكل نص الحروف / أنـ هههههههه خالـ هههههههههههههه رند عقدت حواجبها وجمعت كلامه / انـ ٫خالـ ؟ وش يعني ؟ " وبعدها شهقت " خالـــــد؟؟؟؟؟؟ خالد هدا شوي وأخذ نفس / اوه ، ما شاء الله هذا وأنا زوجك ما تركتي سب الا وقلتيه رند وهي منحرجه وتتمنى الأرض تنشق وتبلعها / اسفه والله ما دريت ،في شخص من الصبح زاعجني ومو راضي يتركني وكل شوي يتصل علي خالد رفع حاجبه وهو يلوي بوزه / هاتي رقمه رند خافت شوي وقالت بتردد / امممم ليه؟ خالد ابتسم / ولا شي بس بأدبه عشان مره ثانيه لا يعيدها، بنات الناس مو لعبه عنده رند ابتسمت وجلست على سريرها وضمت وسادتها / امممم شخبارك؟ خالد تفشل وتسدح على سريره / الحمدلله وانتي شخبارك؟ رند كتمت ضحكتها وقالت ببتسامه / بخير دامك بخير سكتو لثواني طويلة والاثنين مبتسمين قطع الصمت وهو يقول / قررت افريقيا ان تأخذني الى اراضيها ولكن ترامب عارض هذا القرار وقال ان اميرة اسطنبول قررت الزواج من محمد عبده وذهبت انجلينا لشراء انفلونـ... رند ضحكت بقوه وهي ماسكه بطنها / هههههههههههههههههههه*ههههههههههه وش قاعد تخربط يا مجنون " شهقت وحطت يدخل على فمها يوم استوعبت كلامها " اسفـــه وربي ما قصدت خالد ببتسامه تطيح الطير من السما توجه للبلكونه وخرج منها وصار يأمل السما ونجومها / والله المجنون شاف ان زوجته المجنونه ماعندها ما عند جدته جميلة وقال خلني افتح سالفه من لا شيء رند تنهدت وببتسامه / اسمع ، ترى ماحب الرسميات خالد ابتسم ونزل عيونه للشارع المقابل / ولا انا ، طيب اممم وش تحبين القهوه ولا الشاي؟ رند ضمت وسادتها وهي تقول ببتسامه / نسكافيه ، وانت؟ خالد ببتسامه/ مثلك ، لونك المفضل؟ رند بحماس / عشقي الاسود خالد ضحك وبصوت عالي / ههههههههه من زين وجهك رند طيرت عيونها / وششش؟؟؟ خالد ضحك / هههههههههه مو انتي اكلم وحده غيرك رند ضاق صدرها _ يقولها بسهوله / اجل ما أطول عليك ، كمل سوالفك معها " وسكرت الخط " خالد بسرعه / رند، رند يا غبية الوو ، افففف وربي هبله " ورجع اتصل مره ثانيه " رند سكرت من خالد ورمت الجوال عالسرير وهي شوي وتبكي / شذا عالأقل كان احترم مشاعري ،حتى لو ما يحبني كان ما جرحني " رن الجوال وشافت المتصل _ حب حياتي _ قالت بقهر وهي تتكتف" ما بيرد عليه يحسبني ميته عليه ؟ هه بعدما انتهت المكالمه أخذت الجوال من الوساده وطفته ودفنت رأسها بالوساده وبدت تبكي بقهر ومن جهة ثانية كان خالد حاط يده على راسه وهو يفكر / يليل ماتوقعتها متحسسه من الموضوع لهالدرجه ، كيف بحل السالفه دخلت غرفته وهي تمشي على اطراف اصابعها ومنحنيه عشان ما يشوفها خالد تنهد وهو مغمض عيونه / شعندك وقفت وهي مبرطمه / وش هالبرود يشيخ خالد وقف والتفت لها وحاول يبتسم / حطيت نفسي بالفريز وجيت رسل وعرفت انه يشتكي من شي / همممم ، وش مضايق دلوعي خالد ابتسم غصب عنه / دلوعك؟ اقلبي وجهك لأقلبه بكف، اخر زمن الناس ينادوني دلوعي هه رسل تمسكت بذراعه وابتسمت/ متزاعل مع الحب؟ خالد تنهد وجلس / أنتم البنات صعب الواحد يفهمكم رسل جلست قربه / وش السالفه ؟ خالد وعيونه عالبلكونه / كنت اكلمها وجت ست الحسن وهي تقول ليش تطالعني قلتلها من زين وجهك ورند انصدمت وأنا قلتلها اكلم غيرك وهي زعلت وسكرت رسل كان ودها تضحك وحفاظاً على سلامة ملامحها هدت / احم ، بسيطه اتصل عليها وفهمها السالفه خالد برطم / ما ترد رسل ببتسامه شيطانيه / روح البيت عندها خالد رفع حاجبه بإستنكار / نعم؟ مجنـ.." سكت وهو يفكر بكلامها " اممم تجين معي؟ رسل صغرت عيونها / ونا شدخلني بين العرسان ولا بكون الخدامه ؟ خالد ضحك / هههههه خدامه ونص ، يلا قومي تجهزي ترى الوقت متأخر وما يصلح نروح بس لعيون الزعلانين لازم نطيّح وجيهنا رسل قلبت وجهها وهي تحرك يدها بلا مبالاة / مالي دخل منيب طالعه من البيت شبر خالد وهو يمثل الزعل / يهون عليش تردين اخوش الدلوع؟ رسل بغرور متصنع/ يهون وربع طلعه ماني طالعه وش بيقولون عني ناطه مع اخوها من اول يوم خالد / قلتيها اول يوم ما يصير اروح لوحدي وخلود لو ذبحت نفسي قدام عيونها ما بترضى وامي مستحيل اقولها ، يلا دلوعتي بس خمس دقائق رسل وهي عاجبها ترجي خالد ابتسمت وهي تلعب بشعرها / هئه ما بروح ، خذ لها هديه وانت بطريقك وتوكل اكثر من كذا مقدر اساعدك اخي العزيز " وقامت خرجت من الغرفة وهي مبتسمه وودها تضحك على حال اخوها " خالد ضرب يده بالكنب / شتت ، ياربي وش بسوي جلس بغرفته دقائق وهو عاض شفته السفليه وبعدها خرجذ متوجه لخارج البيت وفي طريقه قابل امه ام خالد بتساؤل / يمه خالد وين رايح بهالوقت المتأخر خالد ابتسم وهو يحب راسها / مشوار ضروري دقائق وتلاقيني رجعت ام خالد ابتسمت / ربي يحفظك انتبه لنفسك ولا تسوق بسرعه خالد مشى خارج من البيت وهو يقول / ابشري يالغاليه ، ام خالد التفتت ورفعت رأسها لفوق وشافت رسل تضحك / وش البلوى الي جايبتها على رأس اخوك ؟ رسل تعدلت بوقفتها / ها اقصد ولا شي " ابتسمت وراحت ركض لغرفتها " ام خالد تنهدت وهي تجلس عالكنب وتشغل التي في / الله يهديهم ويصلحهم اول ما خرج من البيت لقى بنت عمه الصغيره "وداد " واقفة قبال بيتهم ،ابتسم وحملها وهو يبوسها من خدودها / شتسوي دودي الحلوه برا البيت ؟ وداد ببتسامه وضحكه / ولا ثي ديت اثلم عليث < ولا شي جيت اسلم عليك < خالد لمعت في باله فكره ،ابتسم وهو يخرج جواله من جيب بنطلونه ويتصل على ولد عمه / الو هلا ، اسمع حمود عندي مشوار صغير وباخذ وداد معي محمد / وش الي تاخذها خلها تنطق بالبيت بكرا تزعجنا كل ما خرجنا وتقول خذوني معكم خالد ببتسامه / والله عاد أنا ما اخذ اذنك بس اعلمك عشان لا تحاتوها محمد ابتسم / مالت عليك هذا وأنا اخوها خالد ابتسم وبانت اسنانه / إذا هي اختك فهي بنتي ، المهم ضف وجهك تراني تأخرت محمد وهو يفتح ازرار ثوبه وشعره معتفس/ اسمع لا تتأخر تعرف الوالده تسوي من الحبه قبه واذا مالقتها بالبيت بتقول ضاعت بنتي او انخطفت هههههههه خالد وهو يركب وداد بالمقعد الأمام وهو يتوجه لجهة السائق / هو فقط مشوار بسيط بجيب كم غرض من السوبر ماركت لـ رسل وارجع محمد رمى نفسه عالسرير/ طيب ويلا تقلع بنام راجع من الشغل تعبان ومالي أقابل وجيه عرسان وحنا بعدنا مالت علينا خالد ضحك ربط حزام الأمان لـ وداد ولنفسه / ههههههه بكرا دورك إن شاء الله محمد بنص ابتسامة / يرحم لي امك اسكت ناقصني وجع راس خالد حرك سيارته / ومين قال أن الزواج وجع راس؟ محمد تسدح على بطنه وغمض عيونه / كثيرين ، انتبه لأختي ويلا سكر الخط لأقلب سكران خالد ابتسم / طرده محترمه ،في امان الله " وسكّر الخط " بعد مرور حواليّ ربع ساعه وصل لوجهته ونزل من السياره مع وداد وأخذ كيس الهديه الي جابها لرند ، اتصل على رائد وهو منحرج / سلام عليكم رائد ببتسامه وهو جالس بالصاله قرب رنا / وعليكم السلام ورحمة ، شخبارك يالنسيب؟ خالد ابتسم / يسرك حالي يالغالي ، وانت طمني عنك رائد بنفس الإبتسامه / الحمدلله عال العال خالد سكت وهو مو عارف كيف يقوله رائد بتساؤل / خالد ،فيك شي؟ خالد جلس وداد على السياره / ها لا بس احم ، انت بالبيت؟ رائد ابتسم / ايه ،جاي؟ خالد ابتسم وهو يحاول يكتم ضحكته على زود غبائه ،كيف ما علمه قبل يجي / لأ ، لأني واقف تحت رائد قام ببتسامه وهو يأشر لـ رنا بمعنى زوج اختك وصل جهزي القهوه / حياك ربي ثواني وأنا عندك سكرو الخط وخالد حط راسه عند وداد / ياربي وش هالموقف الي حطيت نفسي فيه وداد ابتسمت وهي تخربط كلمات مافهمها خالد ونزلها من فوق السياره / مافهمت ولا كلمه من خرابيطك ومن جهة ثانية رائد فتح الباب وبدأ يرحب ويهلل وبعد السلام والكلام دخلو مجلس الرجال....... في بيت ناصر رجعو تعبانين بعد يوم حلو ومرهق راحو اكثر من مول وبعدها تمشو بـ كم حديقه وتعشو ورجعو البيت وكل شخص توجه لغرفته ينام الا نور خلعت عبايتها وراحت غرفة ناصر وطقت الباب ناصر كان فاتح اللاب وجالس عالسرير وعرف انها نور / ادخلي دخلت بهدوء وهي تمشي بتعب بعد كل هالمشي وجلست قرب ناصر عالسرير وتربعت / ليش ما نمت؟ ناصر ابتسم / شايفتني ماخذ حبوب اول ما ادخل الغرفه انام؟ نور سكتت وهي تحرك عيونها بتفكير / همممم ، اسمع ترى شوق وافقت او رفضت علاقتي معها بتكون مثل ماهي مالنا دخل فيكم ناصر تنهد ومن ثم ابتسم / المكتوب بيصير ومحد له دخل علاقتك معها وعلاقتي بمزيد رح تضل مثل ماهي لا تخافي نور ابتسمت براحه / الحمدلله ، ممكن أسألك سؤال؟ الموضوع الأصلى من هنا: منتديات غلا روحي | منتديات | منتدى غلا روحي https://g-roo7y.net/vb/showthread.php?t=28097 ناصر رفع حاجبه ونزله بمعنى تفضلي < اغلب الأبطال كلامهم بالحركات ^_^ نور وهي تفرك يديها / اممم ليش وافقت على شوق؟ مو انت تحب هنادي؟ ناصر رفع عيونه لنور ورجع ينشغل باللاب / أولاً لأنها أخت صديقي وعارف اخلاقه واكيد اخته بتكون مثله ، ثاني شي امي بتاخذ في خاطرها إذا رفضت ،وهنادي " رفع عيونه " كانت ماضي وحبي لها كان حب طفوله مؤقت ، مافي شخص بقلبي ولا بيكون الا الي بتصير على ذمتي وبـس " سكر اللاب وضرب رأسها عالخفيف وقال بمزح " يا ذكيه بنت خالتك انخطبت بجلس العمر كله انتظر زوجها يموت واتزوجها مثلاً نور قرصته بقوه / اعوذ بالله من لسانك بسم الله عليه ربي يطول بعمره ، وخير ترى البنت لسه ما وافقت واتوقع ما بتوافق ناصر هز كتوفه / فارس رجال كفو ما بتلقى مثله وماتوقع ترفضه نور قامت / مادري والله كل شي نصيب ، يلا بروح انام تصبح على خير ناصر ابتسم لها / وانتي من اهله احلام سعيدة اكتفت بإبتسامه صغيره وخرجت لغرفتها ودخلت بسبات عميق وناصر كان يكلم مزيد عالمسن وبعد نص ساعه نام هو الثاني.... نوقف هنا ونكمل بالبارت الجاي رأيكم بالبارت؟؟؟ وتوقعاتكم؟ هذي المره أنتو جيبو التوقعات ^_^ البارت الجاي يوم الإثنين او الثلاثاء المقبل دمتم بخير  |
|||||||||||
|
|
|
06-21-2021
|
#3 | |||||||||||
|
سقاة غلا روحي
 
شكراً: 0
تم شكره 11 مرة في 10 مشاركة
|
يال جمال حرفك حرفك الذي أنهمر على أوراق تناثرت
فجعلها تبدوا كالزهرة المشعة في بستان مظلم |
|||||||||||
|
|
.
العرض العادي
