ملاذ/بقلمي

ملاذ/بقلمي

[FONT="Verdana"][SIZE="6"]

السلام عليكم ورحمة الله وبركاته

لا تخلو روايتي تلهيكم عن الصلاة والعبادة

أعتذر على الأخطاء الإملائية

ما احلل النقل دون ذكر اسمي


ملاذ ♪♪ { البارت العاشر }



دوامه عميقه تغوص داخلها
كل شي حولها سواد في سواد
مافي أي نقطه بيضاء ولا احد يساعدها تطلع من الي هي فيه
تصرخ ومافي احد يسمعها____ ساعدووني ماني شايفه شييي وينكم يا نااااس
كانت تصرخ وتصرخ ولا مجيب



جده الساعه 09:37 م

طلعت من الحمام " الله يعزكم " وهي تنشف شعرها بالمنشفه والابتسامه تزيين ملامحها .. وافكارها تاخذها لبعيد
الموضوع الأصلى من هنا: منتديات غلا روحي | منتديات | منتدى غلا روحي https://g-roo7y.net/vb/showthread.php?t=28962
لمكان احلامها وعالمها الوردي
دارت حول نفسها وهي تضحك عالخفيف وتقول بصوتها الرقيق والناعم/ احبه يا ناااااس احبه
كم في قلبي نبض عايش بإسمه
الحياه بدونه ياشينها وبقربه يازينها زييناااه ههههه
حبيته وصرت مجنونه
صارو الناس ينادوني يا هاويته الحنونه
معقول لحد اليوم ماعرفت مشاعري ونبضاتي المجنونه؟؟؟
يلوموني بحبه وأنا اذوب بنظره من عيونه
اشوف ابتسامته وارسمها قبال عيوني
مابي شخص غيره يملي كوني ويسكن شراييني.....
دخلت اختها وهي تدندن وتغني/ خلني، اهزم حنيني، واهدم الي لك بنيته، دام فعلاً ما تبيني، ليه كل شعور احسه ،جيت في البال وخذيته،
ابتسمت وهي تكمل عن اختها/ مذكر فـ مره نسيتك، ماتركتك ماخذيتك ،ماحزنت الا ولقيتك في خيالي
نطت على سرير وقالت بنص ابتسامه/ طالع عاشق طلع مشتاق طلع ذايب طلع كذاب ههههههه
جلست هي الثانيه واخذت الوساده وضمتها وتغمز لأختها/ واو ريوم لايكون عشقتي من ورانا
جلست ريم ببتسامه وحطت رأسها على كتف رنيم/ لا وين أنا وين الحب انتي الي تحبين من ورانا تغنين حب وحركات
رنيم بعدت كتفها وطاح راس ريم على السرير / انقلعي بس مالقيتي الا الحب مالت عليكِ ياكرهي لو
ضحكت على شكل اختها المعفوص من سيرة الحب وتعدلت بجلستها/ هههههه اشبك خلاص هدي ما قلت شي
رنيم لوت بوزها وهي تمثل الزعل/ انقلعي أنا ما احُبك أنا أحُب فجر
ريم ضحكت /ههههههه تتريقين على بنتي يا حيوانه
رنيم كشت عليها/ مالت عليكِ وعلى بنتك من زينكم عاد
جاتهم فجر وحطت يدها على خصرها/ يا سلام تحشيني وأنا مو هنا
ريم فتحت يدينها ببتسامه وبصوتها الحاني/ فديت الحلوين تعالي عندي ياقلبي
فجر ما صدقت وراحت ركض لحضن ريم وهي مبسوطه/ فداكِ بابا يا ماما
رنيم وهي تسحب فجر من حضن ريم/ وأنا وين اروح؟؟؟؟
فجر سحبت يدها/ انتي روحي بيت جوزك ما ابغاكِ
رنيم بعصبيه خفيفه / قولي زوجك مو جوزك
طلعت لسانها وبعناد / جوزك جوزك
ريم ضحكت وهي تسحب فجر لحضنها من جديد/ ههههه خلاص حبيبتي سيبي رنوومه في حالها
فجر ببتسامه بريئه/ تيب ماما
باستها ريم من خدها وهي طايره من الفرحه، تعشق هالبنت لأبعد الحدود صحيح ماهي بنتها ولا بتكون لكن الحب الي بقلبها يساوي حب الأم بنتها، سبع سنين وهي الي كبرتها و لبستها ،اكلتها وشربتها وسوت كل شي عشانها وعشان سعادتها كيف ما تحبها وهي قطعه منها
دخلت عليهم امهم وهي تعاتب فجر/ فجير ايش قلتلك ؟ يلا حبيبتي روحي نامي بكرا عندك مدرسه وما تصحين بسرعه
فجر حاوطت رقبة ريم بيدينها الصغيره وعفست ملامحها ببراءه / عمتي لا بجلس مع ماما وبقولها عن طلعتي مع بابا
ريم باستها من جديد وهي تمسح على شعرها بحنان/ بعد قلبي روحي نامي دحين وبكرا اصحيك بسرعه وقوليلي كلشي طيب؟
لوت بوزها وهي تفكر وعيونها على يد ريم الي مادتها وقالت ببتسامه وهي تصقع يدها بيد ريم/ طيّيب
رنيم كانت ماسكه جوالها ومنزعجه من اصوات فجر وريم لكنها ماتكلمت وكيف تتكلم وقدامها امها الي تعشق ريم وفجر اكثر من نفسها واكتفت بتنهيده عميقه ...


الرياض_بيت ابو عامر

رند و رنا طفشو وراحو بيت عمهم يتونسون
رنا تكلم صابرين بنت عمها وصديقتها الصدوقه/ صبوره شرايك نتغيب باكر عن المدرسه؟ احسني تعبانه منها
صابرين تأييدها وهي تتمدد عالكنب / صادقه وانا بعد ماودي اداوم بليز اقنعي ماما
لوت بوزها/مرت عمي فديتها سهله واقدر اقنعها في ثواني لكن رند؟؟ بليز بالاول اقنعيها اخاف انتي تغيبي بفضلي وأنا اكل تبن واداوم عنك وعني
صابرين نفخت خدودها وجلست متربعه عالكنب وحطت يدها تحت خدها/ ماظنيت بتوافق لازم نخطط بشئ كايد لجل توافق
رنا تنهدت هي الثانيه وجلست تفكر/ امممم والله مدري رند مافي شي يقنعها لو انطبقت السما عالأرض هفففف " رمت نفسها عالكنب ونطت بسرعه " خـالـد
صابرين عقدت حواجبها/ شفيه ؟؟
ببتسامه واسعه وهي تبعد شعرها الأسود الطويل عن وجهها الأبيض المملوح/ نكلم خالد يتوسط لنا عندها واكيد ما ترده
صابرين رفعت حاجبها اليسار / منجدك؟ بتطلعين من البيت جنازه لو عرفت انك فكرتي بهذي الفكره الغبيه
رنا قامت مطنشه كلام صابرين وهي خارجه من الغرفه/ الحقيني احتاج مساعدتك صبورتي
قامت وهي تصرخ/ ما بيذبح صبورتك غيرك يا استاذه رنا
خرجو من غرفة صابرين وتوجهو للصاله الي جالسه فيها هدى ..
رنا ببتسامه/ مساء الخير شخبارك يا حلوه؟؟؟
هدى ببتسامه اوسع/ مساء النور .. ما شاء الله الناس مروقه
صابرين / قولي ما شاء الله لا تصكينا بعين
هدى رفعت حاجبها وبسخريه/ قلنا ما شاء الله بس انتي الي اذانك مدري وين حاطتها
رنا بتساؤل وهي عاقده حواجبها/ وينها رند؟
هدى قلبت عيونها بشمئزاز/ مع امي ودانه يجهزون العشا
صابرين وهي تأشر لرنا/ شوفي شوفي هذا موبايلها
رنا نطت عالكنب واخذته وبدت تدور على رقم خالد/ اففف وش مسجلته هذي بعد
طلع من غرفته وابتسم على ملامح رنا المعفوصه/ شفيها بنت العم من مزعلها
رنا ابتسمت له وتعدلت بجلستها / ابد مافيها شي
عامر وعيونه على الجوالين الي بيد رنا/ شعندك بموبايل اختك؟
رنا تدور على ترقيعه/ ااااااا .. صحبتي" وابتسمت" تهاوشت معها وحذفت رقمها من موبايلي وجيت أخذه من موبايل رند
عامر جلس وسند ظهره عالكنب/ والله عاد انتم البنات ما ينعرف لكم تتهاوشون وبعد دقيقه ترجعون حبايب .. الله لا يبلينا بهالعقول
رنا فتحت فمها وهي ترمش عيونها/ اعوذ بالله حتى الواحد ما يقدر يرد على الشياب
عامر ببتسامه/ شايب عمك يالخراطه
رنا بستنكار/ وش مسويه لجل تقول عني أنا البريئه خراطه؟
عامر رفع رجوله وحطهم عالطاوله ويدينه ورا راسه/ مو جايه تاخذي رقم صحبتك أكيد عندك شغل ثاني
رنا بملامح هادئه وبارده وعيونها بالجوال تدور الرقم/ عندنا مشروع واسوي بحوثات عنه
عامر وعيونه على صابرين/ صح صابرين؟
صابرين نقزت / ونا شدراني منيب معها بفصلها
عامر وقف وتوجه ناحيتهم وطاحت قلوبهم ببطونهم وعلى طول رنا قفلت الجوال وحطته تحتها وواضح التوتر والخوف على ملامحها
عامر وقف لما شافها خبت الجوال ورفع حاجبه وقال بنص ابتسامه/ لاه لاه وليه تخشين الموبايل؟ على أساس بتاخذين رقم صحبتك
رنا برطمت بطفوليه / بغيب باكر واذا قلت لرند مستحيل توافق وصابرين قالت كلمي خالد يقنعها
صابرين حطت يدها على صدرها و شهقت وضربتها ضربه اليمه/ كذابه وربي ماقلتلها شيييي هي الي قالت عندي خطه وبكلم خالد أنا منعتها ولا سمعت مني
عامر نزل راسه وتنهد ودخل يدينه بالجيب ورجع رفع عيونه على رنا / كان طلبتي مني وكلمتها ماله داعي تكلمين الي مهوب محرم لك .. صحيح أنا بعد مانيب محرم لكني ولد عمك وما اعتبرك الا اختي الي ما جابتها امي وكان الأفضل لو جيتيني
رنا ضمت يدينها لصدرها وعيونها مليانه دموع قالت ببراءة وصوت طفولي/ أنا اسفه عمور ماعيدها مره ثانيه وعد
عامر صار يرمش بتفاجئ رنا الي عمره ما شافها تبكي اليوم دموعها عالأهداب/ آسف رنو ما قصدت اجرحك بالحكي بس......
قبل يكمل كلامه رنا قامت من الكنب وراحت ركض طالعه عالدرج ومتوجهه لغرفة صابرين
عامر وأكره ما عنده يشوف الدموع قال بسرعه لصابرين/ روحي وشوفي شفيها
صابرين وهي الثانيه حساسه لأبعد الحدود نزلت دموعها / تقتل القتيل وتمشي بجنازته
وراحت ورا رنا تحت انظار عامر المتفاجئ / هدى شفيهم ؟
هدى وهي عاقده حواجبها رفعت كتوفها ونزلتهم / مادري والله علمي علمك
عامر ومازال عاقد حواجبه بستغراب طلع وراهم ناوي يعتذر لرنا

في الغرفه عند رنا وصابرين
كانت دافنه وجهها بالمخده تكتم شهقاتها وصابرين تمسح على شعرها بيد وبالثانيه تمسح دموعها الي تتساقط وحده ورا الثانيه/ خلاص حبيبتي رنو هدي ما صار الا كل خير
رنا من بين شهقاتها/ سمعتي كيف قالها بسهوله؟ أنا ما اعتبرك الا أخت وأنا .. وأنا الغبيه ظنيته يحبني مثل مانا أحبه ليش يصير معي هالشي ليش اهئ اهئ
صابرين أخذتها بحضنها ودموعها سيول على خدودها/ بعد قلبي ربي يعوضك بواحد احسن منه يحبك وينسيكِ عامر والي جابته
رنا سكتت عن الكلام وزاد بكائها وضمت صابرين بقوه
هي الوحيده الي فاهمتها وفاهمه مشاعرها وحبها الكبير لعامر
عامر كان ساند ظهره على باب الغرفه وصدمته كبيره
في حياته ماتوقع رنا ممكن تحبه .. كره نفسه وكره كل شي حوله ونزل بدون ما يكلم احد
دخل غرفته اخذ مفاتيح سيارته وطلع متجاهل ندائات هدى وانطلق الى مالا نهايه وذكرياته ترده بالماضي وبالتحديد قبل ثلاث سنين
اليوم الي كان فيه مبسوط والدنيا مو سايعته من الفرحه
دخل المكتب عند ابوه / سلام عليكم
رفع راسه لولده الكبير وابتسم بوجهه وهو يشوف الفرحه بعيونه / وعليكم السلام والرحمه .. عامر عندنا بالمكتب غريبه
عامر ضحك لا ارادي وجلس عالكرسي قبال ابوه بعدما سلم عليه وحب راسه / مو غريب الا الشيطان يبه بس حبيت اسلم عليك يالغالي
ابو عامر ببتسامه وحبه المعتاد/ ربي يديم فرحتك علمني وأنا ابوك وش سرها؟
عامر ابتسم ونزل راسه / يبه جيتك وابي اتقدم لبنت اخوك
ابو عامر وخفت ابتسامته شوي قال وقلبه يتمنى مايسمع الاسم الي بباله / بنت اخوي؟ اي وحده
عامر اخذ نفس عميق ومازال مبتسم وطاير بالسما/ يبه أنا ..أنا أحب رند وناوي اتزوجها وجيت اطلبها منك على سنة الله ورسوله
ابو عامر بحده وصرامه/ مالك نصيب عندنا
عامر واختفت ابتسامته وانطفئ قلبه/ ليه يبه؟ أنا الحمدلله مو ناقصني شي شغل وبمسكه بعد الدراسه على طول هي الآن مجرد خطوبه لا تروح البنت مني .. يبه وربي الشاهد على حبي ارجوك لا تفرق بيني وبين حب حياتي
ابو عامر وقلبه يتقطع على ولده وندمان ليته خبرهم بكل شي من قبل لكن اذا فات الفوت ماينفع الصوت/ عامر افهم كلامي زين مالك نصيب عندنا والله يرزقك بوحده احسن منها
عامر بإنكسار / ليه يبه؟ والله ماقدر اتخيل نفسي مع وحده غيرها يبه أنا أحبها أحبها تعرف شيعني احبها؟؟ مستحيل اعيش مع وحده غيرها أو حتى أحب غيرها
ابو عامر حس الدنيا كلها تدور حوله وما عرف كيف يقولها لولده ويكسره اكثر مما هو مكسور رفع السماعه واتصل على رائد/ هلا ولدي رائد .. ممكن تجيني المكتب الآن؟؟؟ انتظرك في امان الله
وماهي الا ثواني حتى دخل رائد ومعه بعض الملفات بما انه يملك جزء كبير من الشركه كان هو الي يهتم فيها من بعد عمه من يوم صار عمره 18 سنه
رائد ابتسم لما شاف عامر / حي الله من جانا نورت المكتب يابو تركي
عامر قلبه كان مكسور حتى ماقدر يبتسم مجامله له فقال رائد بمزح/ اوه لايكون جابك عمي غصب لجل تشتغل بالشركه؟
ابو عامر تنهد وأشر له / تفضل ياوليدي ابيكم بموضوع ضروري
رائد حس بالجديه وجلس وهو يحول نظره مابين عامر وابوه / سم ياعمي
ابو عامر/ سم الله عدوك.. رائد صار الوقت الي لازم عامر يعرف فيه عن سر العائله
رائد التفت لعامر صديقه الصدوق واخوه الي يعرف كل شي عنه غير هالسر..
عامر بعيون كلها تساؤل/ تكلم يا رائد وريّحني
رائد ناظر عمه الي اشر بعيونه " قول " وأخذ نفس عميق واردف/ انت تدري اننا اخوان من الرضاعه صحيح؟
عامر يحاول يكون هادئ/ ايه والنعم فيك ياخوي
رائد يكمل/ واختي رند " رفع راسه يحاول يجمع الكلام الي بيقوله " اختي رند ماهي بنت عمك ولا هي اختي من ابوي
عامر عقد حواجبه وافكاره تلخبطت/ رائد شقاعد تخربط تكلم عدل
رائد اخذ نفس وكمل / خاله جميله مب امي الي جابتني هي تكون ام رند الي ابوي تزوجها لما كنت صغير وكانت معها رند من قبل الزواج وبنفس الفتره امنا كانت حامل وولدت وجابت بنت لكنها توفت ربي يرحمها وهي .. أخذت رند ورضعتها وبكذا رند اختي واختك من الرضاعه
عامر صدمته كانت كبيره جداً معقول كل هالسنين وهو يحب رند الا ويعشقها وبالأخير تطلع اخته؟؟؟
حس نفسه اختنق ومو قادر يتنفس وقف ووقف معه رائد فقال ببتسامه عشان ما يحسس رائد بشي / ونعم الأخوة والله " وضم رائد وهو وده يبكي ويعبر عن مشاعره الكبيره والعميقه الي بداخله والي تحولت لرماد في ثواني .. اخر امل بحياته وانقطع كيف يحب اخته؟؟
ابتعد عن رائد وهو يحاول يبتسم وقال موجه كلامه لأبوه/ هذا الي طلبتني عشانه؟؟ ياليتك علمتني فيه من سنين طويله يبه
ابو عامر كان ندمان على قد شعر راسه فعلا ياليته خبرهم من قبل ما كان صار الي صار ولا انكسر قلب ولده بهالطريقه/ سامحني وأنا ابوك يا عامر سامحني
عامر صد عنهم وهو ناوي يخرج من المكان الي انجرح فيه وتحول لإنسان مكسور وضعيف/ ماله داعي تطلب السماح يابوي في ولد يزعل على ابوه وتاج راسه؟ موضوع بسيط والأيام كفيله انها تعودني وتنسيني اياه
رائد عقد حواجبه/ وشهو الي تنساه؟
عامر بنص ابتسامه وقلبه ينزف/ كنت طالع اتغدا مع الشباب وقال تعال ابيك بموضوع ضروري وتوقعته شي كبير وبالأخير " ماقدر يكمل خنقته العبره "
رائد ابتسم وحط يده على كتف عامر/ ماعليه يارجل بكرا نطلع كلنا مع بعض ونخييم يومين بالبر شتبي اكثر
عامر مسك يده ونزلها من كتفه وابتسم بإنكسار / سلامتك يالغالي ربي يسعدك .. عن إذنكم مضطر اخرج خويي ينتظرني برا
طلع من المكتب وهو يلملم جروحه ويداري كسور قلبه وابتسم مابي أي شخص يحس بضعفه .. رائد هو الوحيد الي كان يشكي ويفضفض له لكن بأي وجه يقوله أنا أحب اختك الي هي اختي بعد....

وقف السياره بنص الطريق ونزل راسه بين يديه وخنقته تزيد وتزيد .. هو للآن ماقدر يمحي الحب الي بداخله يحاول يتجنبها ومع ذلك هي تسكن قلبه وافكاره
صرخ وهو يمسك راسه / حرام الي تسويه يا عامر رند اختك خلاص انساااهااا الحب الي بقلبك لها اكبر حراااام
نزل راسه عالدركسون والدموع أخذت طريقها لخده وصار يبكي بحرقه جرح السنين بعده ما طاب وزاد الجرح رنا بنت عمه الي تحبه ما وده تحس بنفس شعوره
مسح دموعه بقوه وأخذ نفس عميق/ عيب عليك يا عامر الرجال ما يبكي خلاص اهدي ما نقدر نغير شي هذا قدرك ونصيبك لازم ترضى فيه
ورجع يقود سيارته من مكان للثاني
هذي عادته إذا تضايق يمشي بالشوارع بدون هدف لما يرتاح.....



بيت ابو ماجد
كان الكل نايم تقريباً غير السداسي المرح " شوق _ نور _ بدريه _ ريما _ رسل _ هنادي "
كانو جالسين بغرفة ماجد معدا ريما نزلت تشرب مويه
هنادي بملل وهي مسدوحه عالكنب / هفففففف ملييت هاتو سالفه
شوق وهي الثانيه لاويه بوزها ردت بقهر/ لا عاد نبيع سوالف ونا مدري
رسل وهي تلقي نظره على الجميع / بنات مو كأن ريمو تأخرت؟
نور وشوق خافو ووقفو على طول/ اي والله صادقه بنروح نشوفها
بدريه وهي تظن ان السالفه الي صارت خلاص انتهت قالت بهدوء وهي تتمدد عالأرض/ مهي بزره شوي وتجي و يمكن ملت من وجيهكم وراحت تنخمد ارتاحو
نور بإصرار/ لا بروح اطمن عليها وارجع
شوق مشت قبلها/ رجلي على رجلك
هنادي وقفت / أنا بروح معهم مليت من القعده
وقفت رسل معها فقالت بدريه وهي ترفع يدها / لا تتركوني بروحي خذوني معكم
سحبتها رسل من يدها ومشو خارجين من الغرفه ونزلو من الدرج والكل توجه للمطبخ
رسل وهي حاطه يدها على خصرها/ البنت مو هني وينها؟
دب الخوف بقلوب الاثنين فقالت هنادي وهي تطلع من المطبخ/ يمكن طلعت الحديقه تعالو نشوف
وبدون تردد توجه الكل وراها معدا شوق الي سبقتها بخطوات سريعه......

بيت ابو مشاري
دخل المجلس بعدما اتصل على أبو مشاري وخبره عن وصوله للرياض
ابو مشاري بدا يرحب ويهلل/ ياهلا ومسهلا بالسلم ونا أقول ليه الرياض منوره
ابتسم لترحيبه الي ما تغيّر/ هلا بك يـ خالي منوره بوجودك والله
ابو مشاري يكلم تولين بنت الخدامه/ روحي جهزي قهوه يا بنتي الله يرضى عليك
ابتسمت/ ابشر يعمي دقائق وهي عندك " وراحت "
سلمان ببتسامه وهو يفرك يدينه/ كيف حالك خالي؟
ابو مشاري / بخير الله يسلمك ويسعدك ياولدي ويرضى عليك وانت شخبارك وشخبار الاهل؟
سلمان / الحمدلله كلهم بخير وعافيه
ابو مشاري/ ماقلتلي جيت بروحك ولا مع امك وخواتك
سلمان بنص ابتسامه/ لا لا جيت بروحي ابغى اغير جو طفشان من جده وحرها
ابو مشاري بادله الإبتسامه/ حياك الله والرياض ترحب فيك
سلمان / عاد اجوائكم شي.. أحلى من اجوائنا فيها شوية بروده عكس جده تحس نفسك تنشوي اذا طلعت الشمس
ابو مشاري / الا من متى وانت هني
سلمان / لسه توني واصل يمكن من ثلاثه ساعات
ابو مشاري وهو يطلع الجوال من جيب ثوبه/ خلني اتصل على مشاري واعلمه انك جيتنا
سلمان يمنعه/ لا يا خالي قلتلو قبل ما اجي هنا وقال انهم طالعين الاستراحه وطلب الحقو، الشباب كلهم متجمعين هناك
ابو مشاري يهز راسه/ ما شاء الله وشهي المناسبه؟
ابتسم / نبغى اجازه من الجامعات
ابو مشاري صغر عيونه/ لسه امس بديتو مسرع ماتعبتو
سلمان ابتسم وحك راسه/ اول اسبوع يا خالي مين يداوم
ابو مشاري / الله يهديكم ويصلحكم ..ومتى بتطلع تصيع معهم؟
سلمان ابتسم عالتشبيه / دحين .. جيت اسلم عليك وابدل واطلع
ابو مشاري فهم عليه فقال/ رح البنات رقدو خذ راحتك بالبيت ياولدي
سلمان وقف ببتسامه وحب راسه/ إن شاء الله .. تامرني على شي؟
ابو مشاري ببتسامه/ سلامتك الله يحفظك ويسعدك
طلع من المجلس وهو متوجه لغرفة مشاري المقابله لغرفة حبيبته ونور قلبه العنود
وقف وسند ظهره عالباب / العنود اشفيك؟ ليش تبكين دموعك غاليه عندي والله العظيم
العنود كانت جالسه وسانده ظهرها عالباب من جوا وهي عارفه ومتاكده انه بيجي.. كانت جالسه ساكنه وهادئه ودموعها تسري على خدودها وملامحها بارده
سلمان تنهد وجلس / العنود أنا أعرف انك تواجهين مشاكل كثيره في حياتك وانك تعبانه منها .. انتظريني كم شهر وصدقيني بريّحك من كل ذا .. بجي مع خالي واخطبك ونتزوج خلال شهر ونروح بعيد عن كل هالبشر
العنود سندت رأسها عالباب وغمضت عيونها وهي تحس بألم فضيع بقلبها _ سلمان والله اني احبك واغليك مثل ما تحبني بس انت مو عارف ولا داري عن شي
سلمان تنهد ووقف/ أنا طالع اصيع مع العيال على قولت ابوكِ انتبهي لنفسك يالعنود واتذكري سلامتي من سلامتك وصحتي من صحتك غناتي
القى نظره على الباب الي جالسه وراه نبض قلبه ومشى طالع من البيت بدون ما يبدل ثيابه وتوجه مباشرةً للإستراحه

عند الشباب بالإستراحه
ناصر منزل راسه من الفشله وابراهيم يفرك رقبته وعيونه بالأرض
الموضوع الأصلى من هنا: منتديات غلا روحي | منتديات | منتدى غلا روحي https://g-roo7y.net/vb/showthread.php?t=28962
ابو خالد وهو رافع حاجبه وبنص ابتسامه ساخره/ هالحين حنا الجن؟
ناصر بصوت هادئ منحرج/ محشوم ياعمي ما عاش من قال عنكم جن " والقى نظره سريعه على ابراهيم ونزل عيونه للارض من جديد "
ابراهيم كان ساكت ومنتظر تنزل عليه القيامه ويلعن سامي
خالد وهو يحك لحيته الخفيفه ويهمس لسامي/ جاك الموت يا تارك الصلاة مين يفكك من يديهم
سامي بنفس الهمس/ انت يابو العقاله مثل ما حطيتني بهالموقف تطلعني منه
خالد رفع حاجبه وبنص عين / شدخلني انت الي متبرع بروحك وجاي تقول أنا معك ما جبرتك على شي
مزيد كان واقف معهم وبدأ يغني ببتسامه/ ما جبرتك تبتسم له
لا ولا تضحك معاه
انت بيديك اختيارك وانا ماني لك ولي
تدري انك قطعه مني
ما تحمل منك آههه
ابو ماجد / مين ابن الـ### الطربان
مزيد تعدل بوقفته وبلع ريقه وسكت
ماجد بنص ابتسامه/ ولدك طال عمرك
فارس كتم ضحكته وهو يهمس/ لو يستوعب الي قاله بس استغفر الله العظيم
ريان ضربه بالكتف عالخفيف/ اسكت لا تنقلب السالفه عليك
رائد يحاول يرقع للموضوع/ عمي الي صار مانقدر نغيره وهم يمزحون مو اكثر خلاص عديها لهم عشان خاطري
رائد بطبيعته محبوب عند الكل والي يقوله يصير
ابو خالد ببتسامه / تامر أمر يالغالي أي اوامر ثانيه
رائد حيوي جداً رد ببتسامه خجوله/ سلامتك يالغالي تسلم والله ماتقصر ياعم
طلعو الشباب للملعب وتركو الأباء وبعد ربع ساعه انضم سلمان لهم بعدما اتصل على مشاري
خالد ببتسامه / حيّ الله من جانا نورت الرياض يالحبيب
سلمان ابتسم/ الله يحييك منوره بوجودكم والله
وسلم على الكل وجلسو عالعشب يسولفون ويطقطقون وجوال مزيد كل شوي يرن
ماجد بغيض مكبوت / إذا ماتبي ترد اقفله وريّحنا
مزيد وقف وعيونه بالجوال/ عن إذنكم ارد واجيكم
راح مزيد متوجه لداخل الاستراحه وخالد استأذن وقام وراه
مشاري / شوف كأنه زوجته قام وراه
رائد ابتسم للتشبيه فقال ابراهيم / الله يعينه واضح عنده مشكله
ناصر وهو الثاني وقف / عن إذنكم احس بالعطش
وقف معه سامي / ونا بعد
رائد فهم انهم رايحين لمزيد فقال ببتسامه/ ونعم الأخوة الله يخليكم لبعض
ابتسمو الاثنين وهم يظنونه يقول عن سامي وناصر فقط ودخلو الاستراحه

حط يده على كتف مزيد وجلس عالأرض قربه/ علامك ياخوي وش مضايقك؟
مزيد ابتسم بتعب/ ابد يالغالي مب متضايق
خالد رفع حاجبه/ مزيد انت تدري ونا ادري انك مهما حاولت ما تقدر تكذب وتخفي علي شي
تنهد وسند راسه عالجدار/ ليه الانسان دائما يتأخر في استوعاب اغلاطه
خالد رفع ركبته اليمين وحط عليها كوعه/ انك تستوعب متأخر احسن بكثير من انك تبقى جاهل ومتغاظي عن اخطائك يا مزيد .. مافي انسان ما يغلط كلنا وبدون استثناء كبيرنا وصغيرنا نغلط والكفو هو الي يعرف غلطه ويعترف فيه ويصححه بعد
مزيد بنص ابتسامه/ مارح تفهم يخالد ،، وش بيكون شعورك وانت تحب وحده وهي بعد تحبك وفي يوم عرفت انك تكلم غيرها؟
خالد تنهد وابتسم هو الثاني/ أكيد مو اسوء من شعور انك تحب وحده وتاخذ غيرها وحب الاولى مازال يتغلغل في اعماقك
مزيد بنص ابتسامه/ كلٍ يبكي على خيبته ياخوي
جاء ناصر وجلس قرب خالد وهو يحاول يونسهم / مزيد والي يسعدك عطني رقم البنت الي اتصلت عليك من شوي طفشان وابي استانس
سامي وهو الثاني جلس قرب مزيد قال وهو يغمز لهم/ ايه والله صادق ناصر نبي نغير جو
خالد في نفسه _ جاو يكحلوها عموها / شتسوون هني
سامي بسخريه/ ابد جايين نشوف خشتك طال عمرك
وقبل يتكلمون جت رسالة بجوال مزيد وفتح عيونه على وسعهم وقال من بين اسنانه/ لا عاد مصختها هذي بعد
ناصر عقد حواجبه/ شفيه من الي مصخها
وقف وأخذ نفس عميق وزفره بعصبيه/ نشوف آخرتها " مشى وهو يكمل كلامه " ان شفت احد يلحقني ما يلوم الا نفسه
ناصر وعلامات الإستفهام على راسه/ شفيه اول مره اشوفه معصب لهالدرجه
خالد بنص ابتسامه/ بعدك ماعرفت مزيد
سامي فضل الصمت عن الكلام وباله مشغول مع رفيق روحه من الصغر ،، مزيد يعرف كل صغيره وكبيره عن سامي،، بعكس مزيد ما يخبره شي ويكتم بداخله وتحرقه النيران
مزيد بطبعه كتوم والكل يعرف هالشي وأقرب شخص لقلبه خويه خالد الي تعرف عليه من كم سنه
مؤلم شعور انك تعيش لجل تسعد الي حولك وما تلقى من يسعدك



في بيت ابو ماجد
طلعو البنات للحديقه بحثاً عن ريما
هنادي غمضت عيونها العسليه وهي تستنشق ريحة الورد الفايحه ونسمات الهواء تحرك خصلات شعرها الأسود كـ سواد الليل/ لبى هالأجواء يناس تجنن
رسل ضمت يدينها لصدرها / بررد
بدريه بسخريه/ ام الدلع ههههه
شوق وهي تهمس لنور/ انتي شوفي هني وأنا بشوف بالمخزن هذولا وجودهم وعدمه واحد
نور هزت رأسها وهي تتوجه للطاوله الكبيره بوسط الحديقه وعيونها تبحث عن اختها ودلوعتها الصغيره
شوق قربت من باب المخزن وحست بالحركه فيه وبدأ قلبها يدق بسرعه _ بسم الله الرحمن الرحيم اللهم اني استودعك نفسي _ غمضت عيونها و أخذت نفس عميق وزفرته وهي ترجف
تقدمت وفتحت الباب بهدوء وكان المكان ظلام ومع ذلك الصوت مازال موجود
بلعت ريقها ودخلت رجلها اليمين بالمخزن و......................



نووووقف هنا ونكمل بالبارت الجاي

للمزيد من مواضيعي